繼續同史友們介紹一啲歷史上有趣嘅謎題,今時今日如果大家有機會參觀故宮,要經過紫禁城正門——午門入到宮中並唔係咩難事,之不過喺古代就只有四類人先至有呢個機會喇!
作為明清兩朝嘅皇帝宮殿,紫禁城一共經歷過24位皇帝,而既然做得皇帝嘅皇宮,自然就有好多唔同嘅規矩,例如午門就只有皇帝先可以行。喺每日早朝之時,文武百官喺宮門開啟後,百官就會走東偏門,而宗室王公就會走西偏門,大朝完結後就會按「文左武右」從左右兩側掖門出入,凡事都係有規有矩。
咁既然咁講究規矩,咁午門又係咪真係得皇帝一個可以行呢?其實除咗皇帝之外,皇后喺大婚當日都可以乘轎由中門進入皇宮;每次科舉殿試前三名,同樣喺皇帝接見完佢哋之後都可以喺中門離開皇宮,但真係一生只可以行一次喇!
原圖嚟自網絡