繼續同史友們探討一啲有趣嘅歷史謎題，秦朝自公元前221年起建立，在此之前就成功一統七國，過程睇落就好似好順利，但實際上邊個國家對秦朝嚟講係最難征服呢？阿史今次就同大家講一講啦！
其實要解答呢個問題，由秦國征服六國嘅時間就可以理解到，秦滅齊用咗一個幾月時間、滅韓就用咗一年，滅楚就用咗四年，至於滅趙就足足用咗最長嘅十四年。咁到底點解趙國可以咁頑強呢？
由地形上嚟講，趙國位於太行山附近、周邊就有燕國、齊國、魏國以及秦國四個國家，北面甚至仲有匈奴存在，睇落就係一個好不利嘅環境，但反而令到趙國全民皆兵、尚戰尚武。經過幾代君主嘅統治之下以及胡服騎射嘅實行，趙國軍隊亦都能夠多次抵抗到秦軍，甚至仲出咗李牧、廉頗兩位名將。
喺趙國同秦國發生過嘅七次大規模交鋒中，其實趙國係取得五次勝利，喺當時嚟講係相當犀利。之不過，勝仗打得多唔代表可以行到最後，喺長平之中當中，趙國君主就因為錯信謠言而將老將廉頗換下，轉為趙括擔任主將，40萬趙兵就係咁樣被坑殺，趙國多年嚟基業就咁冇晒喇！
原圖嚟自網絡