無論係喺古代定係現代，窮人要娶老婆都會面對唔少嘅困難，與此同時古人又要面對「不孝有三，無後為大」嘅思想約束，咁到底古代嘅窮人又有冇方法可以傳宗接代呢？阿史今次就同大家講一講清末窮人係點做啦！
簡單嚟講，清末窮人如果冇錢娶老婆但又想傳宗接代，就只可以通過「典妻婚」去達成喇！所謂嘅「典妻婚」就即係將自己嘅妻子典當出去嘅婚姻，特別係一啲家境清寒嘅窮人，就只需要支付一定嘅金額，咁就可以喺一段時間之內與他人典當出去嘅老婆結為「臨時」嘅夫妻，而時間一到婚約就會解除。
雖然以今時今日嘅角度睇嚟，呢種情況都係有違倫理道德，但喺古代嚟講，為咗繼後香火又真係逼於無奈。
原圖嚟自網絡