喺唔少清宮影視作品當中，喺描述到康熙繼位之時嗰陣，對於呢場皇位之爭都會有雍正篡改遺詔將「傳位十四子」改成「傳位於四子」，咁到底歷史學家又係點樣睇呢點呢？阿史今次就同大家講一講啦！
其實喺歷朝歷代，對無數帝皇嚟講，選擇邊位皇子成為自己嘅繼任人都係一件頭痛嘅事。喺康熙當時嚟講，佢就有過35個皇子，其中序齒就有24位皇子，但係皇位就只係得一個。喺咁多兒子當中，能力最為突出嘅就係皇八子，至於十四子就深得康熙喜愛，所以呢兩位皇子亦都成為皇位之爭嘅熱門人選。
之不過，最後康熙去世後遺詔竟然係「爆冷」傳位畀皇四子，呢個結果就引嚟唔少猜測。之不過，其實真正嘅詔書真跡一直都由遼寧省檔案館收藏並且有公之於眾。「康熙遺詔」由於係用漢、滿二種文字書寫同一內容，而且滿文中，「於」以及「十」係完全唔同嘅字，所以根本就冇修改嘅可能！而康熙遺詔滿文部分對於繼位人描述部分缺失，所以呢點亦都引嚟後人穿鑿附會。
原圖嚟自網絡