繼續同史友們介紹我國最新嘅考古發現，其實多年嚟我國嘅雲南就已經譽為係「恐龍王國」，而自2020以嚟，雲南楚雄州三縣市就已經出土咗9處嘅恐龍化石，呢個現象亦都反映住將會有更多恐龍化石慢慢浮現。為此，雲南省政府就公布近期會聯合相關嘅科研單位進行搶救性發掘。
其實早喺2020年底，武定縣萬德鎮就率先發現恐龍化石出露2處，而喺今年6月又有祿豐市恐龍山鎮發現恐龍化石出露1處，連同雙柏縣大莊、大麥地和安龍堡3個鄉6處嘅發現，短時間內就有9處恐龍化石！
據講，呢次發現嘅恐龍化石好多都係位於斜坡上，整體埋藏得比較淺，所以經過土層風化以及雨水沖刷之下，部分化石就好容易露出地表。據中國科學院古脊椎動物與古人類研究所專家和雲南省古生物化石保護委員會專家現場確認，除咗雙柏縣恐龍化石屬於侏羅紀中晚期外，其餘8個位置化石均屬於早侏羅世，真係相當重大嘅發現！
原圖嚟自網絡