早排就同史友們介紹過慈禧太后喺毒害完光緒帝之後,隔日自己亦都離世。作為晚清最高嘅掌權人,慈禧太后嘅葬禮自然就係風風光光,但可能唔少史友們都冇諗過,其實慈禧太后喺死後係隔咗差唔多成年時間先至入土為安,而喺出殯之時甚至臭氣熏天,阿史今次就同大家講一講啦!
其實史友們都知道,慈禧太后係喺光緒帝死後先至逝世,所以按皇家嘅禮儀同規條嚟講,都係需要先準備光緒帝嘅喪事。雖然慈禧喺在世前就已經修建好陵墓,但由於佢係皇太后,一場皇太后嘅葬禮係需要準備好多禮節以及陪葬物品,再加上由皇宮將陪葬物品運送到墓寢當中就已經需要龐大嘅人力物力,當時嘅皇室根本唔夠人手處理。
於是,喺處理完光緒帝嘅喪事以及對墓寢進行擴建、添加祭品後,慈禧就已經被入棺接近一年,再加上出殯之時正值夏天,所以呢場千人抬棺嘅盛大場面,實情背後係慈禧嘅屍身早已臭氣熏天!
原圖嚟自網絡