如果史友們讀過中史都應該記得西漢個陣，漢武帝開闢河西設四郡，河西四郡距離中原都有相當距離，咁點解漢代皇帝仲要費咁大力氣去經營呢個山旮旯地區呢？
河西四郡即武威郡、張掖郡、酒泉郡、敦煌郡，係河西走廊所在位置，河西走廊係昔日中原連接西域嘅重道，起烏鞘嶺，西至古玉門關，南北介乎於南山同北山之間。河西走廊設置四郡，最主要目的係加強漢皇朝响邊彊地區嘅防衛能力。因為河西走廊係分割匈奴同羌族兩大外族嘅天然屏障，加上响果度設郡就可以拉攏天山附近嘅小國，進一步削弱匈奴响西域嘅影響力，減低匈奴同羌族對漢王朝嘅侵擾。
有趣嘅係，河西四郡响二千年前設立，影響力就延續至今，最明顯嘅就係武威、張掖、酒泉、敦煌呢幾個地名沿用至今。
原圖嚟自網絡