就喺今早,有一宗令人傷感嘅消息傳出,香港殿堂級音樂家顧嘉煇於加拿大溫哥華離世,享年92歲。
提到顧家輝呢個名,相信無論識唔識音樂嘅史友都必定聽過。顧嘉煇擅長作曲、編曲以及指揮,同黎小田、許冠傑被視為香港早期粵語流行曲嘅奠基者之一。
多首膾炙人口樂曲都係由佢創作出嚟,就好似《啼笑因緣》、《狂潮》、《心有千千結》、《近代豪俠傳》、《陸小鳳》、《獅子山下》、《網中人》、《京華春夢》《上海灘》、《萬水千山縱橫》、《今晚夜》、《忘盡心中情》等等。
由於喺創作以及培養人才方面有傑出成就,顧嘉煇於早喺1982年獲英女皇授予大英帝國員佐勳章(MBE)、1998年獲香港特區政府授予銅紫荊星章;2011年獲香港藝術發展局頒授「終身成就獎」,更喺2015年獲香港特別行政區政府頒授金紫荊星章,真係一代嘅傳奇人物。
原圖嚟自網絡