據南京侵華日軍受害者援助協會消息，隨住南京大屠殺倖存者馬庭祿離世，目前為止登記在冊在世嘅倖存者僅存49位。
馬庭祿生於1934年3月，喺日軍侵佔南京之時，由於家貧佢同家人都無辦法逃到外地，於是佢就聯同祖母、伯父、父母親等人一同逃走去到金陵大學難民區避難。但咁樣並唔代表佢哋可以安然無恙，當時日軍進城後就四處搜捕青年，甚至仲闖入金陵大學難民區捉人。馬庭祿嘅父親馬玉泉、舅公溫志學以及二姑丈楊守林都被日軍捉走，自此以後佢就再冇見過呢啲親人。據後來得知，原來當時呢班親人都被日軍以機關槍殘忍射殺，下關江邊江水都被染紅、屍骨如山。
喺1945年日本宣佈無條件投降後，馬庭祿就先後完成中小學課程，曾經去過西北建設，喺1960年就選擇重回南京，後來更擔任南京建鄴區建築公司擔任團總支書記，一做就做咗二十幾年喇！
原圖嚟自網絡