提到「老佛爺」身邊嘅大紅人，相信唔少史友都即時會諗起李連英呢位太監，之不過明明「老佛爺」嘅個性都係挑剔殘暴，李連英又到底憑咩本領可以深得「老佛爺」歡心53年呢？阿史今次就同大家講一講啦！
本名李進喜嘅李連英喺7歲之時就已經淨身成為太監，但由於深得慈禧太后寵信，所以後來就得到賜名「連英」。要成為一名出色嘅太監自然就需要有一門好嘅手藝，李連英最初就係憑住梳頭手藝好而成為慈禧寵信嘅太監，慈禧太后被佢梳完頭之後，甚至仲會透出和樂嘅笑意。
之不過，單憑梳頭手藝好係唔足以令慈禧太后寵信53年。李連英因為深知慈禧太后對權力嘅慾望，但喺追求權力嘅同時又會令佢成為眾叛親離嘅人，所以喺呢啲孤獨寂寞嘅時期，李連英就充當住一個「陪伴」嘅角色。喺《晚清宮廷生活見聞》當中，甚至仲有記載慈禧太后還經常去搵李連英遊玩，例如就有「連英啊！咱們遛彎去呀！」嘅對話，可見李連英喺老佛爺心目中已經唔係一個普通嘅太監！
原圖嚟自網絡