繼續同史友們介紹我國最新嘅考古發現,早喺2021年6月,鄭州市文物考古研究院就已經對鄭州商都歷史文化區項目展開發掘工程,過程中就搵到大量豐富嘅遺跡、遺物,由商代、戰國秦漢以及唐宋金元都一一涵蓋,阿史今次就帶大家睇一睇當中有咩重要嘅部分啦!
今次發掘嘅書院街墓地位於鄭州商城內城垣,距南城墻約200米,距東城墻約450米。而喺墓地發現嘅墓葬當中,係有以青銅器墓葬為核心嘅甲組墓葬以及祭祀坑,罕有地共同組成一個結構與功能明確嘅喪葬體系,並且係鄭州商城城垣內首次發現具有系統結構功能嘅墓地。
至於喺發現嘅隨葬品,考古團隊就搵到青銅器20件、玉器11件、金器6件、箭鏃50、貝幣120等隨葬品,當中唔單止有齣土金覆面,甚至仲有引人矚目嘅鄭州商城目前發現最大玉戈。呢次發現唔單止填補咗學術界對中商文化研究空白,甚至仲極大拓展鄭州商城聚落結構嘅時空佈局!
原圖嚟自網絡