近日就有嚟自波蘭嘅考古學家喺上埃及底比斯大墓地(Theban Necropolis)嘅兩座古墓當中發掘到9個有數千年歷史嘅鱷魚頭骨與古埃及高官同葬,對於呢次發現佢哋甚至仲形容係世上首見。到底呢九個鱷魚頭與古埃及高官同葬有咩寓意?阿史今次就同大家講一講啦!
喺底比斯大墓地考古挖掘過程中,當時考古團隊喺發掘到九個表面覆蓋住亞麻布嘅巨大鱷魚頭,佢哋所在嘅墓穴正係建立於公元前16至公元前11世紀嘅埃及新王國時期2名高官嘅墓穴當中。對於呢次發現,華沙大學地中海考古團隊嘅主管Patryk Chudzik表示係唔尋常,亦都係埃及研究史上尚屬首次。
而喺以往嘅尼羅河沿岸考古當中,雖然都有發現到好多鱷魚木乃伊,但佢哋都會被存放喺專門準備畀神聖動物嘅地下墓穴,而且係會完整咁一條保存,寓意係作為禮物咁送畀神明。所以好似呢次咁只將頭骨保存嘅方式,真係尚未知道當中嘅寓意喇!
原圖嚟自網絡