由細到大,我哋都被教導如果想過上美滿嘅生活,咁就需要好好讀書先至會出人頭地,而呢種教育方式其實喺古代都係一樣。古人唯一可以改變自身命運嘅機會就係通過科舉考試,呢個亦都係人人想做官嘅理由,但喺北宋就有一位奇人想做官嘅理由就相當奇特喇!
喺北宋年間就有一位名為張齊賢嘅進士,據記載佢從小食量就奇大,一餐都會食上五、六盤牛肉、豬肉,真係相當誇張。之不過,其實喺佢做官前嘅二十年,由於北宋初年政局不穩,張齊賢基本上就冇乜飽飯食。喺一次機緣巧合之下,佢得知某處村莊遇到有富人施捨糧食,但即時佢行咗十幾里路趕過去,都仍然未食得飽。
呢種饑餓感令佢明白,想要食到豬肉等肉類,就只有做官先有機會。自此之後,佢就日以繼夜咁學習,最終喺34歲之年就通過科舉考試由通判做起,慢慢仲做埋樞密院副史、兵部尚書、吏部尚書等職位,最終做成為丞相,真係相當勵志!
原圖嚟自網絡