蒙古鐵騎、八旗騎兵嘅威名可能唔少史友都曾經聽過,之不過曾經擊敗過八旗騎兵嘅明朝「關寧鐵騎」,唔知史友們又知唔知佢哋有幾犀利呢?
明朝「關寧鐵騎」當中嘅「關」就係指山海關、「寧」就係指寧願,呢支騎兵最初就係負責抵禦後金嘅重要防線。提起佢哋嘅建立,就同明末名將袁崇煥息息相關,事關正正就係袁崇煥提出「以遼人守遼土,以遼土養遼人」,先至有呢支由歸附遼民中精選身體強壯者充實嘅軍隊出現。喺多年嘅征戰當中,甚至仲培養出祖大壽、滿桂、趙率教等一大批遼將。
憑住獨特嘅關寧戰法、火炮部隊以及防禦稜堡等戰術,呢支只有三萬人嘅軍隊就由遼東到北京,從北京到秦蜀,從秦蜀到雲南,從雲南到緬甸,馳騁疆場幾十年,甚至仲曾經斬過蒙古名王,打敗過八旗護軍、刺殺過多爾袞、追殺過李自成,真係威風八面。
之不過,再鋒利嘅隊都有生鏽嘅一日,隨住袁崇煥被崇禎皇帝處死,「關寧鐵騎」亦都被一分為三,分別由祖大壽指揮鎮守錦州、吳三桂指揮機動於寧錦防線,至於最後一部分就被調進關內鎮壓李自成農民起義。可惜嘅係,經過多次戰爭,「關寧鐵騎」死嘅死、投降嘅就歸順清軍,真係相當慘烈!
原圖嚟自網絡