經過兩年幾疫情後，今年內地同香港終於恢復通關，雖然設有限額，但唔少香港人同港漂都好興奮，因為終於可以返內地回鄉過年。
農曆新年係中國一個傳統重要節日，一家團圓開開心心過年係好重要嘅事，所以幾辛苦大家都會盡量返屋企過年。而史友們响圖中見到嘅場面，就係六十年代香港過年前回鄉情況。當年位於尖沙咀嘅火車站係廣九鐵路係市區始發站，所以每逢農曆新年之前，都會出現長長人龍。而當時人龍一條係等上火車，另一條係買車票。當年返鄉之人，都會拎住一袋二袋返去探親，所以愈近年底場面就誇張。而當時火車票都相當難買，有人要响火車站排足幾日幾夜先買到，購票排隊人龍排到海邊，仲曾經出現過因為太擁擠，有人跌咗落海，要勞煩職員跳落海救人。
評論：
共0 條評論