早排就同史友們介紹過點解故宮內部即使唔點火，喺冬日嚴寒天氣之下仍然可以保持室內暖和，而今次阿史就想再同大家介紹下故宮嘅特製磚石點樣令到呢座龐大宮殿可以抵禦六百年嘅風吹雨打。
雖然一般用料比較好嘅磚石都係可以令到建築物百年不倒，但如果講到皇家宮殿宮殿所用嘅自然就係極品中嘅極品。北京故宮整體嚟講就沿用兩種唔同嘅磚頭，分別係臨清貢磚及蘇州金磚。呢兩種磚石通過特殊技術燒製而成，質地細緻、品質優良。
臨清貢磚就係通過採用當地嘅「蓮花土」燒製，由於土質細膩冇雜質，黏性適中，所以出產嘅磚石色澤純正、形狀規整，主要用於建設城牆；至於蘇州金磚就係沿用陽澄湖嘅泥土，湖底淤泥質地細緻，可塑性強，最終得嚟嘅金磚質地緻密堅硬，專門用嚟興建宮殿。亦都係因為磚石工序複雜並且要通過運河運送，所以一塊金磚當時價值一兩黃金，真係相當誇張！
原圖嚟自網絡