繼續同史友們介紹我國最新嘅考古發現，歷時39年興建嘅秦始皇兵馬俑早喺上世紀70年代就已經被發現並且逐步向世界各地嘅遊客開放參觀。可能大家見到目前開放嘅幾個兵馬俑坑就已經覺得好壯觀，但其實相關嘅考古發掘係仲未完成，秦始皇兵馬俑考古近日又再次有新嘅突破喇！
秦始皇帝陵博物院今日發布咗秦兵馬俑一號坑第三次發掘成果，喺發掘嘅文物方面就清理出陶俑220多件，陶馬16匹；戰車四架、鼓兩處、鼓槌一處、漆盾一處等，仲連帶過千件車馬器、兵器、生產工具等。
發掘出呢啲文物並唔算新奇嘅事，喺今次嘅考古發掘當中，最為重要嘅就係發現到俑坑甬道曾經被人挖開過，考古團隊就推測有人利用甬道進入俑坑，呢啲人極有可能就係曾經參與過俑坑修建嘅工人或者投降咗秦軍，而佢哋嘅目的可能更係接受咗項羽命令前來破壞，但實情到底係咪咁，就需要有更多考古發現先可以推測到。
原圖嚟自網絡