有「DJ界教父」美譽嘅Uncle Ray郭利民,响昨日離世,享年98歲。
生於1924年嘅Uncle Ray,係香港最知名嘅唱片騎師,畢生致力推動電台廣播同本地流行樂壇發展。佢先後任職麗的電台同香港電台,透過大氣電波將外國流行音樂同本港音樂帶俾聽眾,對推動本地音樂發展功不可沒。
而關於Uncle Ray其中一個有趣嘅故事,就係佢當年去英國培訓個陣,有一次買咗本披頭四嘅雜誌,點知披頭四成員响佢隔離出現,各成員就响本雜誌上係咁簽名,Uncle Ray生前响訪問中經常提起呢件事,仲話本雜誌係無價寶。
原圖嚟自網絡