早排阿史就同史友們介紹過清代皇帝每日進膳都會經過一系列繁瑣嘅步驟，食到嘅飯菜基本上都係冰冰涼涼咁，而其實呢個步驟佢哋每日甚至係需要重覆五次，阿史今次就同大家介紹下佢哋到底有珍饈百味好食。
清代皇帝食飯嚟講，就有「兩膳三點」嘅講法，即係「早點」、「早膳」、「午點」、「晚膳」以及「晚點」合共五次。咁「膳」同「點」之間又有咩分別呢？其實「膳」就係屬於正餐類別，而「點」就係粥類、隨叫隨有嘅點心等等。
以光緒皇帝為例，佢喺早上四點嘅早點嚟講就會有火燒、粥、窩頭等食品，至於早膳就會有火鍋、湯類、點心在內嘅三十幾項菜式，而午點就主要係食水果。晚膳就依然係以火鍋、湯類、點心為主，但就會有更多肉類組成四十幾樣菜式，去到晚點就只係得返幾項粥類選擇。而喺所有食品當中，除咗會有豬、羊、雞鴨，仲會有燕窩、魚翅、海蔘等若干山珍海味，真係豐富！
原圖嚟自網絡