講到古代第一位女皇帝,雖然坊間都會流傳「陳碩貞」嘅講法,但較主流嘅講法都會認同係武則天。之不過,大家又知唔知其實「武則天」並唔係呢位女皇帝嘅真名呢?阿史今次就同大家講一講啦!
雖然唐朝嘅社會係比較開放,但處於封建社會之中,女性嘅地位仍然都係低於男性,就連成為古代第一位女皇帝嘅武則天都唔例外。咁點解明明都已經成為咗皇帝,後世都好似唔知道佢嘅真名咁?
其實喺古代,女性多數都係冇名字,就算貴為第一位女皇帝嘅武則天都係一樣,歷史上都冇記載到佢真實嘅名字。而大家今時今日知道嘅「武曌」,亦都係佢喺晚年登基之時先至改,「武媚娘」亦都唔係佢嘅真名,而係由唐太宗所改。
咁到底「武則天」真名又係叫咩呢?有學者就推斷,由於喺古代皇帝嘅名字都唔應該同百姓太相似,否則就需要改名避諱。喺呢條原則之下,當時中書侍郎孫楚約就因為需要改名避諱,後來就叫咗做「茂道」,所以好大機會「武則天」真實名稱就係有個「約」字,唔知史友們又點睇呢?
原圖嚟自網絡