講到過年，史友們可能都會覺得過年賀年食品特別多，好似年糕蘿蔔糕咁，又有油角、煎堆呢啲油炸食品，總之就係好多美食啦！
講到油炸美食，就自然會聯繫到年廿四開炸呢個傳統。年廿四開炸即係要開油鍋，製作過年食品，例如上面提及過嘅油角、煎堆等。原來古時嘅人會進行開炸，係另有原因。古人相信油炸食物兼具旺氣，所以响年末「開炸」，認為能夠炸出旺氣，令新一年運氣更旺。咁點解要响年廿四進行呢？原因係年尾果陣會收爐唔開火，所以就要炸定一啲嘢留返响過年個陣食。所以話，開炸除咗係有精神意義，仲有實際需要。
至於相關炸物，本來亦有一定寓意，例如油角就寓意「來年露頭角」，煎堆就有「金銀滿門」之意，所以開炸炸嘅嘢都相當講究。
原圖嚟自網絡