繼續同史友們介紹我國最新嘅考古發現，可能生活喺香港嘅大家都好難想像到，隨便散步就都可以發現到重要嘅文物，而呢種不可思議嘅事近排又再次喺廣東發生喇！
近排廣東就有一名任職河源市博物館副館長嘅男子喺散步期間意外見到路邊有疑似恐龍蛋化石，為咗確認真偽佢就隨即影相畀河源恐龍研究所。得知消息後嘅工作人員二話不說就趕到現場確認，點知經過一輪發掘之後就真係搵到一顆完整恐龍蛋化石、三顆殘缺鑲嵌喺岩石內恐龍蛋化石，仲有五個帶有蛋殼化石嘅蛋印。
雖然呢批恐龍蛋化石都係被工地炸山炸咗出嚟，部分亦都有殘缺，但呢次新奇嘅發現就反映附近可能仲會有恐龍骨骼或其他化石嘅可能性。得知呢個消息之後，唔少網民都笑言，真係散個步都可以做考古學家！
原圖嚟自網絡