今日就係年廿七，相信史友們都知年廿八係要洗邋遢，咁大家又有無聽過年廿七洗疚疾呢樣嘢呢？
所謂洗疚疾，其實就係沖涼洗澡，史友們可能覺得好奇怪，涼唔係日日都沖架咩？點解會係年廿七去沖涼。其實年廿七洗疚疾，係北京個邊北方地區嘅習慣。由於個邊冬天時天寒地凍，加上水源又唔算太充足，因此就算到今時今日部分北方人都唔會日日沖涼，而响古時啲人有段長時間唔沖涼更加係等閒事。不過，過年咁重要，就算平時點唔想沖涼响過年前都要洗一洗，實際上就係洗乾淨個身，精神上就係將舊年嘅霉氣衰氣洗走晒。而到咗年廿八，就輪到要執乾淨間屋。因此响北方就有「年廿七洗疚疾，年廿八洗邋遢」呢個講法。
原圖：《洗澡》劇照