「年廿八，洗邋遢」，相信呢句話唔駛阿史介紹都知係年廿八就要嚟個家居大掃除，咁响大家嘅理解洗邋遢嘅目的係乜嘢呢？
年廿八即係農曆臘月二十八，相傳古時有一次發生瘟疫，死傷無數，後嚟啲人發現用碌柚葉沖涼就冇事，於是慢慢形成咗呢個習俗（有說係年廿七洗疚疾係同一故事）。而到咗今時今日，大家會理解為年廿八執屋洗邋遢，係為咗新一年有財運好運，因為「財不入污門」，加上廿八同「易發」諧音上相似，就索性新年前嘅呢一日洗埋。
不過，有民俗學家就話，年廿八洗邋遢真正含義係「除惰性、去惡習」，一方面通過清潔洗除霉氣，另一方面就係通過執屋呢個行為令大家勤快一啲，達到除惰性、去惡習呢個效果。
原圖嚟自網絡