繼續同史友們介紹我國最新嘅考古發現,據重慶市文物考古研究院透露,2022年釣魚城遺址考古發掘清理工作近日完成,過程中就搵到一批前所未見嘅高規格建築遺存,有住重大嘅歷史以及學術意義,阿史今次就同大家講一講啦!
呢個位於嘉陵江、涪江、渠江三江交匯處嘅重慶市合川區釣魚城遺址喺史料當中記載,就係經歷過蒙古大汗蒙哥兵臨城下,而當地嘅將士就曾經喺呢度發起過頑強嘅抵抗,令到蒙古大軍不能前進足足36年,可以話係已經以弱勝強。而為咗解開當中嘅原因,考古學家就對呢個遺址展開咗長達二十年嘅考古發掘同研究,嘗試了解呢個由「山、水、城」組成嘅多重防禦體系。
經過長年研究,考古團隊就就根據護國寺、武道衙門、皇宮三個遺址點布探方6個、探溝41條,最終清理出城門、城牆、石牆、院門、高台、井台、水井等遺址,甚至仲發現到前拱券後排叉柱嘅墩台式城門、門道帶水池嘅院門、高台井台圍砌的水井等遺存高規格建築遺跡,唔單止顯現呢個區域嘅獨特性,而且仲填補呢個區域宋代文化遺存嘅空白,為釣魚城宋元戰爭山城防禦體系、分區布局和結構功能研究提供新證。
原圖嚟自網絡