今日係年廿九，按傳統今日係貼揮春嘅日子。可能唔少人都會覺得貼揮春好容易啫，但其實當中係有唔少技巧响裡面。
揮春，即係春聯嘅一種（今時今日春聯通常係指對聯，同揮春又有啲唔同），相傳春聯源於宋代，係由宜春帖、桃符等演變過嚟，而宜春帖就其實早响南北朝時已經出現。不過無論係宜春帖定桃符，都係一啲古人祈求招祥納福嘅物品。所以後嚟啲人就會响新春期間招福招好運嘅產物。
至於貼揮春通常都會係响年廿九進行，而揮春亦有好多要注意地方，例如門口揮春要貼單數，因為單代表陽，咁未來一年就有陽入屋當旺；另外唔好响同一地方貼四張揮春，因為四讀音近「死」字，要避避。仲有，貼春唔好貼足一年，最好就元宵後除低。仲有仲有，大門口唔好單貼個「春」字，因古代只有妓院先會門外貼「春」。
原圖嚟自網絡