喺古代嘅封建社會當中,一男一女結成夫婦最大嘅原因並唔係因為愛情,而係為咗傳宗接代、老有所依,呢一點係好容易理解。之不過,已經失去繁衍能力嘅太監到底又係出於咩原因而要娶宮女呢?阿史今次就同大家講一講啦!
要知道太監同官女都係喺後宮當中地位最低嘅群體,而太監比較好嘅地方係,佢哋喺宮中少數幸運嘅人係可以陪伴喺皇帝又或者各位嬪妃身邊,久而久之就會成為佢哋嘅親信,即使係宦官都會有返咁上下地位同權力。
同正常人一樣,雖然太監嘅身體係有所殘缺,但佢哋同樣都有七情六慾,心靈上同樣都需要有人陪伴同埋慰藉。古代並冇明文規定禁止太監娶妻,但多數太監娶妻都只會發生喺後宮嘅宮女當中,呢一點亦都係得到朝廷嘅默許,事關太監娶宮女並唔係為咗傳宗接代,而係希望令到雙方都可以彌補扭曲嘅心理,繼而好好服務後宮嘅所有主子。
原圖嚟自網絡