無論係喺古代定還是現代，行軍打仗最能夠決定勝局嘅一個要素就係，到底能唔能夠即時傳遞到戰場嘅實況繼而再作出對策。咁現代通訊設備發達就當然冇問題，但古代又可以點算呢？阿史今次就同大家講一講啦！
普遍嚟講古人就會有幾種方法喺戰場上傳遞訊息，其一就係烽火台。每個烽火台上都會有士兵駐守，一旦發現到敵人就自然會點燃烽火，而根據五類烽火訊號「烽、表、煙、苣火、積薪」，其他地方嘅士兵就可以判斷到敵人嘅多寡遠近，真係一個幾聰明嘅做法。
而如果需要更加快捷並且長距離傳播戰場訊息，古人仲諗到「飛鴿傳書」。「飛鴿傳書」到底幾時興起就仍未有明確講法，但呢種方法喺唐朝時期就已經相當普及，但礙於過程中成本太高，所以只會用於重要嘅軍事訊息傳播之上。除咗「飛鴿傳書」，古代當然仲有「八百里加急」，亦即係騎馬送信，呢一點就講求一個完善嘅郵驛系統，沿途需要有龐大數量嘅馬匹輪換先至可以達成條件，但需時就比較耐喇！
原圖嚟自網絡