乾隆帝係清代最長壽以及掌權最耐嘅皇帝，之不過再長壽嘅皇帝都會有想退落嚟嘅一日，喺乾隆嘅一場壽宴上，單憑佢所寫嘅一個字，陪伴佢多年嘅和珅就一眼睇得出乾隆嘅用意，到底當中有咩故事？阿史今次就同大家講一講啦！
提起乾隆皇帝呢位帝皇，相信唔少史友都知道佢在位期間令到清朝嘅國力達到巔峰，雖然佢在位期間多次下詔免除百姓稅賦，大幅減輕底層百姓生活負擔；積極發展農業、養活全國數億人口，但佢晚年嘅「十全武功」亦令佢有唔少負面嘅評價。
作為帝皇嘅生活過咗咁多年，即使係乾隆都會步入耄耋之年，難以再應付朝政工作。結果喺乾隆85歲嘅壽宴之上，佢就喺眾皇子以及滿朝文武面前寫下一個「禪」字。當所有人都為呢個字拍手叫好，以為乾隆一心向佛之際，就只有和珅一人面如死灰，事關佢深知呢個「禪」係解做「禪位」嘅意思，而未來嘅皇帝就會係佢之前唔放在眼內嘅皇子，自己將會遭逢大難！
原圖嚟自網絡