今時今日提起「春宵一刻值千金」呢句詩句,可能唔少史友即時都會諗到係形容洞房花燭夜嘅場景,之不過呢首由蘇軾所作嘅詩原意並唔係咁樣,阿史今次就同大家講一講啦!
先由詩作前兩句睇起,「春宵一刻值千金,花有清香月有陰」,實際描寫嘅場景其實係指喺春日嘅晚上,庭院中嘅花散發清香、月光直射之下亦都令到花下產生朦朧嘅陰影,呢啲咁美麗嘅場景係相當珍貴,寓意人要珍惜光陰。至於後面兩句「歌管樓台聲細細,鞦韆院落夜沉沉」就係形容樓台深處嘅富貴人家輕歌曼舞,架设鞦韆嘅庭院深處喺晚上亦都變得寂靜起嚟。
喺經歷過仕途失意嘅蘇軾被貶海南後,心態並冇因此而悲觀,反而係變得豁達樂觀,嘗試以詩作勸喻大家要珍惜光陰。詩作嘅原意本應係咁,但就因為第一句太過精彩而被人斷章取義,先至會產生「洞房花燭夜」呢種誤會。
原圖嚟自網絡