今日係大年初二,唔少人都會今日返娘家拜年,咁點解會有呢個習慣嘅呢?
年初二返娘家,可以話係同中國父系社會大有關係。最多人講嘅就係年初二先返娘家係因為初一唔可以返去,因為古人認為外嫁女初一就返娘家,代表夫家無啖好食先返去,唔多吉利。另外就係外嫁女嫁咗出去就算係外人,初一就返去就有外人「食窮」屋企嘅諗法。亦因為咁,新正頭流流自然寧可信其有,避忌一下好啲。
不過,阿史同一個民俗學家講過,初二返娘家其實係同地緣因素有關。因為以前好多姻親响村同村之間發生,所以初一就留返夫家條村煮飯洗碗,初二先去另一條村即娘家屋企拜年,咁亦符合外人响初二先到訪呢個傳說。
原圖嚟自網絡