今日係大年初三,亦係赤口。响呢個日子,有唔少香港市民都會去沙田車公廟拜下車公,因此有唔少人都認為初三赤口要去拜車公。不過,赤口拜車公其實無必然關係。
大年初三係赤口,亦稱赤狗日。根據中國傳統習俗,赤口容易同人發生口角爭執,所以通常唔會去拜年。咁點解啲人又會赤口去拜車公呢?一來係為咗唔同人鬧交,所以就由拜年轉為拜神。另外,農曆正月初二係其中一個車公誕,但唔少人初二都因為拜年唔得閒,所以先改响年初三去拜車公。
講到去拜車公,唔少市民都鍾意買個風車轉下運,俗稱「風車轉運」。不過轉風車其實都有啲技巧。轉風車就應該順時針轉,就算舊年運氣差,都係盡量以順時針方向轉。如果逆時針轉動風車,就會帶嚟惡運。
原圖嚟自網絡