適逢新年,唔少藝人都會趁呢個傳統節日教導子女中國傳統文化,近年揚威國際影壇嘅陳法拉亦都唔例外,佢喺呢個中國人最重視嘅節日亦都上載咗一張囡囡「小米妮」身穿紅色唐裝跪地拜年嘅相片,唔少網民都大讚佢哋一家堅守中國傳統習俗。咁到底傳統嚟講,逗利是除咗會仲會做啲咩?阿史今次就同大家講一講啦!
利是嘅雛形最早見於唐朝,而當時嘅利是封並唔係用紙造,反而係一個裝住福福字句嘅紅色布袋,直到後來印刷術盛行之後,先至有利是封嘅出現。至於傳統嘅利是,其實係唔涉及金錢,大家所逗嘅亦都只係一個祝福。咁今時今日嘅利是點解又會有錢呢?其實咁就係同「壓歲錢」有關喇!
「利是」係裝住祝福語,而「壓歲錢」先至係有錢喺入面嘅。相傳古時有隻叫做崇嘅怪獸,每逢年三十都會出嚟摸一啲訓咗覺嘅小朋友,被摸到嘅小朋友都會變得失常。直到有一對夫婦發現,只要小朋友床頭放有8個銅錢,就可以令到祟唔敢靠近,所以就有壓歲錢嘅出現喇!
時至今日,「利是」、「壓歲錢」嘅概念已經變得模糊,但喺傳統嚟講,後輩喺逗利是嘅時候都係會向長輩下跪並且磕頭,除咗係傳統,更係想表達對長輩嘅感恩。
原圖嚟自網絡