世界各地唔少地方都會慶祝中國嘅農曆新年，愈多華人嘅地方節日氣氛就愈濃厚。今年係2023年兔年，呢一點相信係唔少華人嘅共識，之不過假如大家去到越南，咁2023年就唔會係兔年，而係貓年啊！到底當中有咩原因？阿史今次就同大家講一講啦！
要解答呢一點，就要由12生肖嘅傳說講起。一般大家所認知嘅12生肖都係指「鼠、水牛、虎、貓、龍、蛇、馬、山羊、猴、雞、狗、豬」，呢一點喺華人社會幾乎係公認。之不過越南嘅12生肖就有啲唔同，佢哋嘅傳說當中，貓並冇因為畀老鼠出賣而輸咗比賽，反而係因為自己識得游水而得到第四位，成為12生肖之一。
咁到底點解越南當地會流傳呢個傳說呢？其實越南嘅環境係唔適合兔仔生活，草木文化嘅越南視水牛為神，而貓喺農業國家嘅作用亦都係勞苦功高，所以喺越南人心中極具好感，於是就用貓嚟取代唔太起眼嘅兔仔喇！
原圖嚟自網絡