今日係大年初四，又係迎財神嘅日子。講起財神，只要打開電視大台總會有藝人扮財神，過去呢十幾年基本上都係大王安德尊做呢個角色，可能大台知佢係新界地產大王夠晒旺。
講到香港藝人扮財神呢樣嘢，就不得不提一位已故藝人，佢就係梁醒波。波叔可以話係第一代財神專業戶，咁又係乜嘢一回事呢？話說响七十年代個陣，香港某間銀行就搵咗佢拍一個廣告，搵藝人扮財神拍新春廣告，响當時嚟講都應該係首創。由於波叔做開粵劇，扮財神自然駕輕就熟，加上佢笑匠形象結果令佢呢個財神形象深入民心。自此，陸陸續續有藝人响新春扮財神，恭喜大家發財。
評論：
共0 條評論