繼續同史友們介紹我國最新嘅考古技術發展，近日我國吉林大學就同俄羅斯莫斯科國立大學研究團隊合作，對一具1938年發現嘅頭骨進行三維復原，到底當中面對住咩技術難題，又通過三維技術還原到咩程度呢？阿史今次就同大家講一講啦！
早喺去年7月，我國吉林大學就同俄羅斯莫斯科國立大學建立咗共同實驗室，展開生物考古方面嘅合作。吉林大學作為我國考古文博領域最早從事數碼化三維人像復研嘅科研團隊，早喺2002年就已經利用相關技術復原北京老山漢墓女性墓主人，成績相當之犀利。
而喺今次嘅國際合作中，還原嘅對象就係首次喺亞洲地區發現、並且完整保存落嚟嘅尼安德特人化石。通過中俄合作，唔單止再現歐亞大陸史前人類容貌，而且更加還原到兒童嘅個人特徵。專家就表示，呢次復原唔單止生動展現歐亞大陸史前人類面部形態，仲為進一步研究、展示中亞地區尼安德特人形態特徵及其環境適應性，提供新嘅研究思路。
原圖嚟自網絡