講到現代足球其中一個標誌性人物，就一定會提到阿根廷球王馬勒當拿，呢位好波但又爭議性多多嘅球王，响佢足球生涯最經典一幕就一定係世界盃以「上帝之手」，而當日比賽用嘅足球，將會拎嚟拍賣。報道話，呢個波响會下個月8號喺美國拍賣，起拍價為60萬美元。
講返當年呢場比賽，係1986年世界盃八強之戰，由於英國同阿根廷响1982年打過仗，所以呢場波牙骹味十足。而响比賽當中，馬勒當拿於球門前接應高波個陣，舉高手臂將個波送咗入龍門。當時英格蘭球員同投訴呢個係手球，但球證就判咗呢個入波有效，最終阿根廷以2比0擊敗英格蘭，而呢個「手球」入波亦被稱為「上帝之手」。
多年後馬勒當拿過返當時情況，話個波入網之後，佢就叫隊友拿拿聲圍埋一齊慶祝，等球證覺得個入波無問題。嘩！咁都得？
原圖嚟自網絡