「木乃伊」（mummy）一詞最早起源於1616年嘅英語詞彙當中，當時呢個詞係出自阿拉伯文「mummiya」，意指有防腐作用嘅「瀝青」（bitumen）。之不過，呢個詞唔單止係「非人化」，而且仲被認為係帶有英國殖民歷史嘅痕跡。喺事隔幾百年之後，近日英國大部分嘅博物館就宣佈「為表尊重」將停用木乃伊稱呼，阿史今次就同大家講一講啦！
據英國每日郵報（Daily Mail）報導，近日英國唔少博物館，包括大英博物館（The British Museum）在內就傾向未來將木乃伊稱呼改為「木乃伊化的人」（mummified person）或者「木乃伊化的遺骸」（mummified remains）呢兩個詞。佢哋聲稱以往木乃伊一詞係對曾經真實生活過嘅人類唔尊重，所以就打算更改稱呼。目前為止，大北方博物館（Great North Museum）、愛丁堡的蘇格蘭國家博物館都陸續將館內嘅木乃伊改名，但唔少網民就直言，如果真係要提「尊重」，不如率先將呢啲珍貴文物返還畀所屬國家，唔知史友們又點睇呢？
原圖嚟自網絡