繼續同史友們介紹我國古代行軍打仗時嘅一啲冷知識,早排就同史友們介紹過古代嘅城池都係設立喺交通要道之上並且有山河等地勢掩護,要攻陷並唔係一件容易嘅事。咁到底又係咪完全冇辦法呢?咁就當然唔係啦,事關隨住古人嘅科技發展,唔少攻城工具亦都隨之而生,阿史今次就同大家介紹下「臨沖」啦!
要知道古代嘅城牆唔單止有山川河流等等嘅地勢掩護,同時亦都相當堅固,單憑人力就想攻破,必定係會面對好龐大嘅人命傷亡。之不過,人類嘅科技係會進步,歷朝歷代都出現過唔少具有殺傷力嘅攻城武器就好似「雲梯」、「投石機」、「木幔」等等,但要數最令守軍聞之色變嘅,自然就係宋朝攻城兵器「臨沖」。
「臨沖」最早出現於宋朝,又被稱為呂公車,係一種上下分成五層嘅攻城車。呢種巨型嘅攻城戰車唔單止可以載有過百名士兵,而且車內仲具有破壞城牆嘅裝備,由於「臨沖」嘅高度同城牆唔會差得太遠,所以只可呢種攻城武器到達城牆邊,就基本可以同敵人正面交鋒。雖然呢種武器係會令敵人聞之色變,但亦都因為「臨沖」體積太過龐大,容易受到地形限制,所以都唔係經常可以登場!
原圖嚟自網絡