有留意開三國歷史嘅史友們可能都知道，手握百萬強軍、挾天子以令諸侯嘅曹操喺政治、文學上都有一流嘅成就，之不過為後世所疚病嘅一點就係，佢似乎好鍾意娶寡婦，到底呢一點又係咪真實呢？阿史今次就同大家講一講啦！
據史書記載，其實曹操一生就娶過15名妻妾，喺古代嚟講唔算好誇張，但如果大家細心留意，就會發現原來當中有10個都曾經係他人嘅妻妾，有啲就係寡婦出身，有啲直頭就係手下敗將嘅寡婦，似乎呢度就流露曹操嘅一啲特殊口味。
之不過，其實當時曹操娶寡婦，原來並唔係咁簡單架！喺戰火連天嘅三國，其實古人並唔太在乎到底對方係咪寡婦，能夠快速生育兒女、補充人口先至係首要嘅考慮。而作為帝皇嘅曹操盤算就唔止咁簡單，喺佢嘅妻妾當中，就有曾經嘅袁紹之妻劉夫人、呂布部將秦宜祿之妻、東漢大將軍何進嘅兒媳婦，以及其他將門之後，娶佢哋為妻最大嘅考慮係為咗攏絡達官貴人、提升人脈版圖，呢個先係真正嘅政治盤算！
原圖嚟自網絡