隨住電影《滿江紅》稱霸國內嘅春節檔，唔少同呢套電影相關嘅歷史同景點亦都相繼得到傳頌以及爆紅，《滿江紅》取景地太原古縣城亦都成為熱門打卡地，到底呢個景點有咩睇？阿史今次就同大家講一講啦！
喺電影《滿江紅》當中，唔少場景都充滿住山西嘅元素，其中最大嘅一個取景地就係太原古縣城，喺層層嵌套嘅院落當中，講述喺岳飛去世五年後，秦檜宰相府當中發生嘅一系列懸疑事件，一班唔知名嘅歷史人物點樣譜寫出最撲實嘅愛國情懷以及民族精神。
隨住電影嘅火熱，太原古縣城景區東北角嘅五進院亦都隨即開放畀遊客，喺呢個地方就有沈騰喺劇中嘅題詞、拍攝服裝及道具等，甚至遊客仲可以換上相關嘅服裝道具劇中人物遊古城，絕對係一次特別嘅中式文化旅遊體驗。而太原古縣城本身就係一座明代早期縣城，早已被列入國家級歷史文化街區，可以講，《滿江紅》嘅火熱亦都重新為呢座晉陽古城遺址之上嘅古太原縣城帶嚟一個重大嘅延續，繼續傳承優良嘅歷史文化內涵。
原圖嚟自網絡