對現代人嚟講，如果去到退休嘅時候，唔少人都可能會選擇喺自己工作嘅城市度退休，繼續享受返原有嘅生活圈。之不過，點解喺古代，每逢有大臣選擇辭官都必定會即時還鄉，而唔敢留喺京城呢？阿史今次就同大家講一講啦！
要知道古代「退休」嘅概念係相當模糊，官員並冇一個明確嘅退休年齡，好多時候真係要做到身體頂唔住先至有機會向皇帝請求告老還鄉。喺呢個前提之下，如果呢啲朝廷官員仍然選擇留喺京城，除咗好容易會被政敵指摘攻擊之外，更容易引起皇帝猜疑，被誤認為羅織黨羽、貪戀權力，到時命仔都保唔住！
另一方面，既然京城留唔住，對古人嚟講「衣錦還鄉」都算得上係一種光榮，去到身體都頂唔順嘅時候選擇告老還鄉，都算係一種比較好嘅落幕。
原圖嚟自網絡