一部電影嘅火熱到底可以為社會帶嚟幾多改變呢？隨住《滿江紅》稱霸內地影院春節檔，唔單止令到山西嘅拍攝場地成為當地打卡熱點，甚至仲令到全民開始瘋狂背誦《滿江紅》！
近日喺河南安陽湯陰縣岳飛廟就舉行咗一個活動，就係只要遊客可以成功背誦到《滿江紅》，就可以免票進入岳飛廟參觀。畀着平時有呢種優惠，大家都唔一定會參加，但因為電影嘅熱潮，專門背誦詩詞嘅隊伍排得相當之長。據湯陰縣岳王廟工作人員表示，呢個活動自大年初五推出以嚟，就已經有超過4000個遊客成功完成挑戰，真係相當誇張。
而唔少接受訪問嘅遊客都表示，自己嘅小朋友都有參過呢個活動，免唔免票根本就冇所謂，主要係想自己嘅兒女可以背誦出全文，呢個過程反而更加有意義！
原圖嚟自網絡