繼續同史友們介紹我國最新嘅考古發現，提起「絲綢之路」，可能唔少史友都會諗起由我國古代長安或洛陽出發，經甘肅、新疆，到中亞、西亞到達歐洲嘅呢條路線，之不過近日嘅以色列考古就有一項新嘅發現！
據以色列媒體報導，近日喺靠近約旦邊界納哈勒奧梅爾（Nahal Omer）嘅土堆中，嚟自以色列、德國嘅研究小組就喺已知嘅古代貿易路線上搵到一個「古代垃圾堆」，當中竟然發現到一堆衣服。研究團隊喺經過碳定年法測年後，就斷定呢啲物品嘅年代可以追溯到公元七、八世紀，而由於沙漠干燥氣候，呢啲衣服嘅保存狀況都係相當良好。
而喺被發現嘅「古代垃圾堆」中，除咗衣服之外仲有繃帶、皮環、腰帶、襪子、鞋底甚至梳子，呢啲發現唔單止反映當時嘅人視以上物品為奢侈品，仲反映緊當時中東地區仲未擁有伊卡特編織技術。研究人員猜測，呢啲產品係來自印度、中國和現今蘇丹等地。
而最重要嘅一點係，今次發現嘅文物亦都表示住歐洲到遠東之間有一條迄今未知嘅貿易路線穿過呢一個地區，呢條亦即係「以色列絲綢之路」。
原圖嚟自網絡