綿延上萬里嘅「萬里長城」號稱係用嚟防止塞北游牧部落聯盟侵襲而建成，現時大家見到嘅長城遺址主要係建於14世紀嘅明長城，由西起嘉峪關東至虎山長城，足足跨越15個現今嘅省市以及自治區。咁問題嚟喇，明明長城最初建成係為咗防止北方嘅遊牧民族入侵，咁到底點解長城最東邊會起到入埋海呢？阿史今次就同大家講一講啦！
長城東邊嘅最盡頭就係位於被稱為「天下第一關」嘅「山海關」，呢個位於最東邊嘅地方又被稱為「老龍頭」，屹立至今已經超過600幾年。要知道凡係長城建成嘅位置，都係兩山峽谷或河流轉折之間嘅險要位置，起到入海自然就係為咗防止敵人跨過海面進行偷襲。
要知道山海關係明長城東北最重要嘅關隘，曾經就被敵人以跨過海面嘅方式偷襲過，為咗防止敵人故技重施，所以明代薊鎮總兵戚繼光奉命喺山海關城南4公里臨海高地修築長城，長城甚至仲橫跨峻嶺後入渤海，十足十一條巨龍咁，難怪會被譽為係「集結山、海、關、城於一體」嘅海陸軍事防禦體系。
原圖嚟自網絡