喺唔少古裝影視作品當中，大家都經常會見到「賣身葬父」嘅一幕，之不過如果要認真考究，好多場景都唔一定合格，事關古代假如係要「賣身葬父」，咁「賣家」都必須要喺頭頂插上「草標」。到底當中有咩原因？阿史今次就同大家講一講啦！
要知道古代進行買賣嘅地方主要都係市場、驛站附近，為求令到所有人都方便交易，喺現代嚟講就會明碼實價咁寫喺紙上，之不過喺古代唔係人人都識字嘅時候，又有咩方法可以令到眾人明確知道到底咩商品係可以購買呢？古代就有人諗到用「草標」嘅方式，無論你係賣刀、賣牛、賣馬定還是賣身都好，都需要喺所賣之物嘅身上放上「草標」，呢個標記就可以令到眾人都知道呢件係一件商品。
亦都係因為有呢條約定俗成嘅規則，所以就算係「賣身葬父」都好，跪喺街邊嘅窮女子都係需要喺頭上插支草先至算係合理。
原圖嚟自網絡