內地著名經濟學家、北京大學哲學社會科學資深教授厲以寧尋日病逝，享年92歲。
生於江蘇南京嘅厲以寧，1955年响北京大學經濟系畢業後留校任教，曾任北京大學經濟學院經濟管理系系主任、北京大學工商管理學院院長、北京大學光華管理學院院長、全國人大財經委員會副主任等，亦曾為民盟中央原副主席、全國人大財經委員會原副主任、全國政協經濟委員會原副主任。
而厲教授為人所熟悉，除咗係著名學者外，佢响內地改革開放過程中，扮演咗一個關鍵角色，因為佢係內地最早提出股份制改革理論嘅學者之一，推動咗國有企業產權制度改革、主持起草《證券法》、《證券投資基金法》等，因而有「厲股份」嘅稱號。2018年12月，厲教授响慶祝改革開放40周年大會上，被授予「改革先鋒稱號」。
原圖嚟自網絡