疫情接近尾聲,唔少香港人坐飛機去第二度旅行,阿史見到有網民放咗張唔知邊度嘅「木製」火車站,即車站大部分都係木結構建築。其實,香港都曾經有個火車站叫「木頭站」,唔知史友們又知唔知呢?
呢個「木頭站」就係昔日嘅大圍火車站。响上世紀八十年代,因沙田新市鎮發展關係,依家大圍一帶就被開發,由於區內人口大增,所以政府响最初規劃時已決定增建一個火車站,呢個就係大圍站。大圍站响1983年8月適用,不過最初出現嘅大圍站只係一個臨時車站,車站位置亦唔係大圍站現址,而係成全路成運路一帶。由於車站只係臨時性質,車站架構以木材為主,設施相當簡陋,月台上蓋呢就係鐵制加木製結構,售票處同洗手間就响改建嘅貨櫃裡面。因此,呢個車站亦被居民稱之為「木頭站」。
到咗1986年,大圍火車站正式落成,「木頭站」也功成身退,成為咗一個香港人嘅集體回憶。
原圖嚟自網絡