上次介紹咗响中國文獻中關於以前柬埔寨個一帶嘅記錄,咁東南亞地區以前都係好受中華文化影響,咁話時話呢個地方又幾時有中國人植根呢?
現今嘅柬埔寨,曾經係扶南國嘅一部分,以往扶南國係中原政權藩屬國,又係海上絲綢之路必經之地,所以扶南國同後嚟取而代之嘅真臘,同中國响官方或民間都有一定交往。好似南朝齊時,扶南國僧人僧伽婆羅乘海舶來中國,到齊國都城建康傳佛教;南朝梁時梁武帝以扶南國王憍陳如闍耶跋摩為安南將軍。至於有文字記錄嘅,又要數到周達觀嘅《真臘風土記》,周達觀於1296年訪問當地時,就提到吳哥有中國居民。到咗明代時,唔少中國人因為生計而去咗東南亞生活,好多仲同當地人通婚。响大航海時代,葡萄牙船員就發現金邊有華人居住。後嚟明朝滅亡,唔少福建同廣東居民就到咗東南亞定居。亦因為咁,唔少中國人移民後同當地人通婚,慢慢融入當地社會。
原圖嚟自網絡