繼續同史友們介紹世界各地嘅考古趣聞,復活節島嘅摩艾石像一直都係世界各地旅客慕名前往觀賞嘅景點,目前全島就發現咗900幾尊石像,有啲就只有頭部,而有啲就有全身,佢哋都一樣係有住是高挺鼻梁、方正下巴、深遂眼窩,呢啲印像,相當之有特色。
近日,智利復活節的原住民團體宣布,由三所大學組成嘅科學志工近日就喺島上一座乾涸湖底發現新嘅摩艾石像,高1.6公尺,並且係首度喺火山口湖發現嘅摩艾。今次發現嘅石像更加係全身雕像,有清楚可辨嘅特徵,係頗為難得嘅發現。原本呢座火山口湖嘅石像幾乎係唔會畀人發現得到,但近年湖水就出現乾涸,令到呢座200幾年嚟嘅火山口湖見底,先至會有呢次神奇嘅發現。
至於復活節島上摩艾石像到底有咩寓意,又係點樣被運送到島上呢?呢個仍然係未解之謎!
原圖嚟自網絡